آن لائن ایجاب و قبول کے ذریعے نکاح کرنا کیسا ہے؟

مجلسِ نکاح میں آن لائن ایجاب وقبول کرنے سے نکاح شرعامنعقدنہیں ہوگا ۔ لہٰذا مسئولہ صورت میں صحیح طریقہ یہ ہے کہ لڑکا (سید رفاعت حسین عرف سید احتشام ) انڈیا میں کسی معتبر اور متعارف شخص کے نام اپنا تحریری وکالت نامہ بھیجے کہ میں رخسار بانو بنت سیدریاض سے نکاح کرنا چاہتا ہوں اور آپ کو میں اپنی جانب سے وکیل بناتا ہوں کہ آپ رخسار بانوکو میری طرف سے میرے نکاح میں قبول کرلیں، پھر نکاح کے موقع پر قاضی صاحب اس وکیل سے اس طرح ایجاب کریں گے کہ میں نے رخسار بانو کا نکاح سید رفاعت حسین سے کردیا ، کیا آپ نے سید رفاعت حسین کی طرف سے سید رفاعت حسین کے نکاح میں اس کو قبول کیا ۔ وہ وکیل قاضی صاحب کے سامنے یہ کہے کہ میں نے سید رفاعت حسین کے وکیل کی حیثیت سے سید رفاعت حسین کے نکاح میں رخسار بانوکو قبول کیا، اوراس ایجاب و قبول کو دونوں گواہ سنیں ۔ تو اس طرح نکاح بآسانی منعقد ہوجائے گا۔