خلع میں شوہر کے لئے مہر واپس لینے کی شرط لگانا جائز ہے

بخدمت حضرت مفتی صاحب دامت برکاتہم
دارالافتاء دارالعلوم سبیل الرشاد بنگلور
السلام علیکم ورحمۃ اللہ وبرکاتہ!
میں ، محمد مسعود ابن محمدعارف اللہ ،میرا نکاح عالیہ تبسم بنت محمدشفیع اللہ صاحب کے ساتھ 5 دسمبر 2021کو ہوا تھا۔ شادی کے بعد ہی میری بیوی کا رویہ میرے ساتھ درست نہیں، مجھے معلوم ہوا ہے کہ اس کے پہلے ہی سے کسی دوسرے مرد سے تعلقات ہیں، اب میری بیوی مجھ سے خلع کا مطالبہ کررہی ہے ۔ شادی کے موقع پر میں نے مہر میں سونے کے کنگن دیے تھے ۔ مجھے مسئلہ یہ معلوم کرنا ہے کہ کیا اس صورت میں جبکہ سارا قصور میری بیوی کا ہے میں خلع دینے کے لئے اپنے دیے ہوئے مہر (سونے کے کنگن) کی واپسی کی شرط لگا سکتا ہوں ۔ فتویٰ عنایت فرماکر شکریہ سے نوازیں ۔ فقط محمد مسعود ابن محمد عارف اللہ
پتہ:ملت نگر، ارہ للی روڈ ، کولار