سمپ میں نجاست گرجائے تو کیا حکم؟

ماء قلیل نجاست گرتے ہی نجس ہوجائے گا برخلاف ماءِ کثیر کے کہ جب تک اس کا رنگ یا بو یا مزہ نہ بدل جائے وہ نجس نہ ہوگا ۔ماء کثیر کی تعیین وتحدید فقہائے کرامؒ نے دہ دردہ حوض سے کی ہے جوموجودہ دور میں دوسو پچیس مربع فٹ ہے۔ مذکور سمپ (جس کارقبہ ۸۰ فٹ ہے ) دہ دردہ حوض سے چھوٹا ہے اس لیے اس میں نجس پانی گرتے ہی ناپاک ہوجائے گا اگر چہ کہ اس کے اوصاف ( رنگ، بو،مزہ) نہ بدلیں ۔ اس ناپاک پانی سے وضو اور غسل کرناجائز نہیں ۔مذکورسمپ کوپاک کرنے کاطریقہ یہ ہے کہ جس قدر پانی اس میں ہے، اتنا پانی اوپر کی ٹینکی سے یا نل سے گرادیا جائے تو وہ پانی پاک ہوجائے گا ۔