وارثین کو وراثت سے محروم کرنا جائز نہیں

بابا بھائی کی ایک بہن دو بیویاں اور پہلی بیوی سے دو بیٹیاں ہیں،بابا بھائی نے بہن کو اپنی زندگی میں ہی اس کا حصہ دے دیا تھا مزید اپنی بیٹیوں سے کہا کہ میری وفات کے بعد بھی اپنی مرضی سے اُسے کچھ دے دینا۔بابا بھائی کی ملکیت میں تین بنگلے،ایک پلاٹ،ایک فلیٹ (آفس کی شکل میں) تھے ،بابا بھائی نے اپنے تین بنگلوں میں سے دو بنگلے اپنی حیات ہی میں دو بیٹیوں کو ہبہ کرکے، ان کے قبضے میں دے کر، ان کے نام رجسٹرڈ کروادئے ہیں ،اور ایک بنگلہ بابا بھائی کے نام پر ہی ہے اس کے متعلق بیٹی سے کہا تھا کہ میری وفات کے بعد تو رکھ لینا،بابا بھائی نے فلاٹ آفس کی شکل میں کرایہ پر دیا تھا ،وفات کے بعد دونوں بیٹیوں نے اس کوآفس کو اپنے نام رجسٹرڈ کرلیا ہے۔سوال 1) بابا بھائی نے دو بنگلے اپنی حیات ہی میں دو بیٹیوں کو ہبہ کردئے اس کا کیا حکم ہے کیا ان میں کسی اور کا حق ہے ؟سوال – 2) پلاٹ میں کس کوکتنا ملے گا؟سوال3) ایک فلیٹ (آفس کی شکل میں) بابا بھائی کی وفات کے بعد بیٹیوں نے اس کو اپنے نام رجسٹرڈ کرلیا ہے اس کا کیا حکم ہے اس میں کس کا کتنا حصہ ہے؟ کیا اس میں دو بیویوں اور بہن کا بھی حصہ ہے؟سوال – 4) بابا بھائی نے اپنی بیٹیوں سے کہا تھا کہ میری وفات کے بعد میری بہن کو اپنی مرضی سے کچھ دے دینا تو بیٹیوں پر اپنی پھوپھی کو کچھ دینا ضروری ہے کیا؟ اگر دینا ہے تو کتنا دینا ہے؟ بینوا توجروامستفتی : شعیب احمد ،
بنگلور