ہبہ صحیح ہونے کے لئے قبضہ ضروری ، صرف نام پر رجسٹر کرنا کافی نہیں

بخدمت حضرت مفتی صاحب قبلہ
السلام علیکم ورحمۃ اللہ وبرکاتہ
میرے شوہر جناب قادر سیٹھ صاحب کا انتقال 2021میں ہوا۔ وہ لا ولد تھے ، وارثین میں بیوی یعنی میں (عذرا بانو ) ، ایک بھائی (عارف سیٹھ ) اور ایک بہن (صابرہ ) تھیں، پھر عارف سیٹھ بھی 2022 میں گذر گئے ۔ مرحوم عارف سیٹھ کے وارثین میں چار لڑکے اور ایک لڑکی ہے ۔ میرے شوہر نے اپنا گھر اپنے بڑے بھائی امین کے نام پرہبہ کرکے رجسٹرڈ کیا تھامگر مکان پر قبضہ نہیں دیا تھا بلکہ امین صاحب کو صاف کہہ دیا تھا کہ میں اپنی زندگی میں تم کو مکان پر قبضہ نہیں دوں گا،گھر کے تمام سرکاری دستاویزات بھی میرے شوہر نے اپنے قبضہ ہی میں رکھے تھے، امین صاحب کو نہیں دیے تھے۔ بعد ازاں کچھ نااتفاقی ہوگئی اور میرے شوہر نے ہبہ سے رجوع کرلیا تھا ،پھر امین صاحب فوت ہوگئے ، ان کے بعد میرے شوہر بھی گذر گئے ہیں ۔ اب امین صاحب کے بچے اس مکان پر اپنا حق جتا رہے ہیں ۔ ہمیں مسئلہ یہ معلوم کرنا ہے کہ یہ گھر میرے شوہر کا ترکہ شمار ہوکر میرے شوہر کے شرعی وارثین میں تقسیم ہوگا یا ہبہ شمار ہوکر امین صاحب کی اولاد کا حق سمجھا جائے گا۔ اگر ترکہ ہے تو اس کی تقسیم کیسے کی جائے ؟میرے شوہر کے ذمہ کوئی قرض نہیں ، ان کی کوئی وصیت نہیں ۔ فقط عذرا بانو
پتہ : 13، جمال ہاوز۔لازر روڈ، پلیکیشی نگر، پولیس اسٹیشن ، پولیس کوارٹرس ، بنگلور